جبيل

بدل الْخَيْمِه بْخَلّي جْبَيلْ
تْعَمّرْلِك قَلْعَه عَ الشّط
وْبِعْمِل صَدْرِك مَرْبَطْ خَيْلْ
وِخْيُولي مْعَوَّدْها تْنطّْ
يا "عَبْلى" نجْمات سْهَيلْ
شَكْلِه بْشَعْرِك بَدِّي حطّ
مِنْ مَيْل بْمَشِّط.. مِنْ مَيْل
بْغَنِّجْلِكْ.. طَّيْرَيْن الْبَط
ـ2ـ
وِجْبَيْل الأَبْجَدِيِّه
بْتِعْطِيكي مْنِ حْروفا نُورْ
بْتِزْرَع إِسْمِكْ غِنِّيِّه
صَعْبِه يِنْساها الْمَعْمُورْ
كِرْمالا حِنِّي عْلَيِّي
إيّامي بْدُونِكْ دَيْجُورْ
بَوْسِه زْغِيرِه بْعِينَيِّي
وَبَوسِه زْغِيرِه عَ شْفافي
بَرْكي بْيُولَعْ هَـ التَّنُّورْ
**