مجدليّه

يا مِجِدْلَيَّا.. هَـ الْمِجِدْلِيِّه
الْجايي لْعِنْدِكْ.. رَحّبي فيها
سِكَّنْتها جُوّات عِينيّي
وْصفّيتْ دَمْع الْعَيْن إِسْقيها
"عَبْلى" قَصيدةْ حُب مُضْوِيِّه
بْلادْ الْعُروبِه عَم تْغَنِّيها
كْتَبْتا بإيدي.. بَسّ ما فِيّي
عَنْ كَفّ إيد الشَّوق إِمْحيها
شِعْلِةْ وَفا.. بِتْفيضْ حِنِّيِّه
ألله.. مِتلْ قِنْديلْ ضَاويها
جْداديلْها عَ الضهر مِرْخِيِّه
متل الْـ كَأَنُّو الليل كاويها
وِشْفَافْها بْراكينْ نارِيّه
بَعْرِف بِريقي كيفْ إِطْفِيها
وِخْدُودْها جَنّه طَبيعيِّه
رِضْيِتْ تا يِحْميها حَراميها
بِسْرُق البَوْسِه.. بْطَوِّلْ شْوَيِّه
وِبْصيرْ، مِتل الدّيكْ، إِشْويها
مِتْلِك، يا ضَيْعَه، غالْيِه عْلَيِّي
كِرْمالْ عَنْتَر عَبسْ.. حِبِّيها
**