كحله

مْبارِحْ عَ وِجِّكْ نِزْلِتْ الْكِحْلِه
مَعْ دَمْعتِك.. يا دَمْعِة عْيُوني
وْصِرْت حَدِّكْ وِزّ.. وِالنّحْلِه
شْفافي.. اللي صَارُوا عَم يِحِرْقُوني
اسْوَدِّتْ خْدُودِكْ.. قِلْتْ أَرْيَحْلِي
غَسِّلْ بِريقي خْدُود سَحْروني
وْصِرْت، متل الطّفل، إِسْتَحْلي
بْكِحْلِة عْيُونِكْ كَحِّلْ جْفُوني
وْبَوّس التِّم الـ كانْ يِشْرَحْلِي
كيف لازِمْ خَفِّف جْنُوني
وْيا رَيْت لَحْم الْصّدر يِسْمَحْلي
آكُلْ.. وْخَبّي لِلْمسا مونِه
إِشْرَبْ.. وْيِشْرَبْ مِنْ عَرَق زَحْلِه
وْلِفّو بْإيديّي وْعَلّقو قونِه
وْجُودِك بِتَخْتي كْتيرْ أَرْبَحلي
الليْلِه يا "عَبْلى" بْخَيمْتي كُوني
**