مسرح

خَلّي صَابيعِكْ تِرْسُم الْمَطْرَحْ
الْخِيّال جايي يْرَقِّصْ حْصَانُو
وْمدِّي كْفُوفِكْ لِلْهَوا مَسْرَحْ
سَيْفُو انْكَسَرْ.. رَحْ يِسْحَبْ لْسَانُو
كِلّ ما هَجَمْ عَ خْيامِكْ بْيِفْرَح
وْكلّ ما رِجِعْ بِيخِفّ إيمانُو
قُولِي الْحَقِيقَه قَدّ ما تِجْرَحْ
قُولي: حَبيبي عَنْتَرْ زْمانُو
بِرْفُض عُيُوني بْهَالدّني تِسْرَحْ
لَوْ ما انْوَجَدْ هَالْقَلْب مِنْشَانُو
**