أميره

ـ1ـ
بْحِبِّكْ يَا "عبلَى" قَدّ ما بَدِّكْ
باقاتْ وَرْد مْزَيّنِه خَدِّكْ
إِنْتِي الأَمِيرَه.. وِالإِمارَه قَلْبْ
مْوَصَّى وْصِيِّه يِنْتِهِي حَدِّكْ
ـ2ـ
مْضارِبْ بَنِي عَبْس اللي حبَّيْتا
كرمال عَيْنِك بَسّ حاكَيْتا
بِالشّعر.. بالأمْجاد لِفَّيْتا
تا تْديرْ وِجّا.. وْأوصَلْ لْعِنْدِك
ـ3ـ
بِحْلَمْ شِي لَيْلِه غِلّْ بِلْحافِكْ
وْإكْتُب شِعْر عَ لَوْحِة كْتافِكْ
وْمَلْيُون بَوسِه.. بَوِّس شْفَافِكْ
وْزِندي الْقَوي يِغْفَى عَلَى زِنْدِكْ
ـ4ـ
لا تِسْمَعِي شُو ما انْحَكى بِالْحَيّْ
ولا تِفْزَعِي لَوْلا غِضِبْ شِي خَيّْ
رَحْ إِطْلبِكْ.. ما بخاف أم وْبَيّ
إلاّ إِلِي ما بْتِنْطَلَبْ يَدِّك
**