أجمل مرا

"عبلى" السَّما وِالأَرْض وِالنّجْماتْ
وِجَّا قَمَرْ.. شَعْرَا دَلَعْ غَيْمَاتْ
أَجْمَلْ مَرَا.. قَلْبِي عِشِقْهَا وْصَارْ
يْقَدِّمِلْهَا الأَشْعَارْ وِالْبَسْماتْ
وْيِجْمَعِلْهَا مْنِ جْنَيْنتُو أَزْهَارْ
بِتْجِنّ كِلْ مَا تْرَقِّصَا النَّسْمَاتْ
وِيْبَوِّسَا.. وِيْغَنِّجَا.. وِيْحْتارْ
بْأَيَّا طَريقَه يْسَمِّعَا الْكِلْمَاتْ
غنّيتْها بِـ أَجْمَلْ الأشْعارْ
تا صار إسْما شَهْقِةْ النّغماتْ
وِهْدِيتْها مْنِ مْحَبّتي زِنّارْ
وْكِرْمالْ عَيْنا بْتِرْخَصْ الدَّمَّاتْ
"عَبْلَى" الأنُوثِه مْحَبِّتا قِنْطارْ
مِتلا بنت ما جابِتْ الإِمّاتْ
بْبُوسا ما بِشْبَعْ.. بَوْسِتا مِنْ نارْ
وْجِسْما جْهَنّم شاعْلِه.. وِكْتارْ
لِمِّنْ بْمُوتْ بْيِسْأَلُوا: كِيفْ ماتْ؟
**