ممنونك

كِلْما تْخَبِّينِي بِعْيُونِكْ
يا "عَبْلَى".. بْقِلِّكْ مَمْنُونِكْ
دَفّيني بْريشاتْ رْمُوشْ
الْبَرد بْيِتْعِبْني بْكانُونِكْ
سْنيني رح حَوِّلْها قْرُوشْ
تا أُوفيلِكْ كلّ دْيُونِكْ
لا تْقُولي: حُبّي مَغْشُوشْ
عَنْتَرْ بِـ قَلْبُو بِيصُونِكْ
وْكِل ما الدِّنْيِي تْصَفِّي دْغُوشْ
بْطَفِّيلِكْ عَ الصّدْر جْنُونِكْ
وْلَوْلا وَدُّوا عْلَيِّي جْيُوشْ
بْحارِبْ بِالسَّيْف الْـ عَ جْفُونِكْ
**