خبيني بعينيكي الزرق

ـ1ـ
خَبِّيني بْعِينَيْكي الزُّرْق
مِنْ جمْعَه لْجُمْعَه
يَا "عَبْلى" .. فِي بْقَلْبِي حرْق
سْكبيلِك دَمْعَه
ـ2ـ
هاتي مَرْجُوحَه تْطَيِّرْنِي
بِالْعَالِي الْعَالِي
تِشْلَحْني بْغَيْمِه تْصَيِّرْنِي
نِجْمِه بِلْيَالي
لا بَدِّي شْروقْ وْلا غْيابْ
بَدِّي تِنْسينِي بِكْتَابْ
وتقولي يا بو الأحباب
رَيّحْلِي بالي
ـ3ـ
بْحِبِّكْ .. مِنْ يَوْم اللي كِنْتْ
يَا عُمْري غَنِّي
وِالْحُبّ الْـ بِعْيُونِي صُنْتْ
جَنِّه وْشُو جَنِّه
خَليكي فِيها عَ طُولْ
مِسْتَحْلِي بِـ قَلْبِكْ جُولْ
وْمَهْمَا تْمِرّ عْلَيّي فْصولْ
ما تْغِييِي عَنّي
**